ގާނާ ގައުމީ ޓީމުގެ ކޯޗަކީ އަޔޫއެވެ. އޭނާއަކީ ޔޫރަޕްގެ ތަޖުރިބާހުރި، ހަލުވި ސްޓްރައިކަރެކެވެ. އަޔޫ ފުޓުބޯޅަ ކެރިއަރު ފެށީ ފްރާންސްގެ މާސޭއިންނެވެ. އަދި އިނގިރޭސި ޕްރިމިއާ ލީގުގެ ސްވެންސީ ސިޓީއާއި ވެސްޓްހަމްއަށް ވެސް އޭނާ ވަނީ ކުޅެފައެވެ. އަޔޫ މިހާރު ކުޅެމުންދަނީ ގަތަރުގެ އަލް ސަދްއަށެވެ. އޭނާ ގާނާގެ ގައުމީ ޓީމަށް ކުޅެންފެށީ 2007 ވަނަ އަހަރުއެވެ. އަދި މިހާތަނަށް 109 މެޗު އަޔޫ ކުޅެފައިވާއިރު އޭނާ ވަނީ 17 ގޯލު ޖަހައިފައެވެ.

ގާނާގެ ގައުމީ ޓީމުގެ ކޯޗަކީ އެ ޓީމުގެ ކުރީގެ ކުޅުންތެރިޔާ އޮއްޓޮ އައްޑޮއެވެ. ގާނާއަކީ އޭނާ ކޯޗުކޮށްދޭ ފުރަތަމަ ކުލަބެވެ. އޭނާ ގާނާގެ ގައުމީ ޓީމާ ރަސްމީކޮށް ހަވާލުވީ މިއަހަރުގެ ތެރޭގައެވެ. އޭގެ ކުރިން އޭނާއަކީ އެ ޓީމުގެ ވަގުތީ ކޯޗެވެ. ވަގުތީ ކޯޗަކަށް ވުމުގެ ކުރިން 2021 ވަނަ އަހަރު އައްޑޮ މަސައްކަތްކުރީ ގާނާ ގައުމީ ޓީމުގެ އެސިސްޓެންޓު ކޯޗެއްގެ ގޮތުގައެވެ. މީގެ އިތުރުން އޭނާ ވަނީ ބަރޫޝިއާ ޑޯޓުމަންޑުގެ އެސިސްޓެންޓް ކޯޗެއްގެ ގޮތުގައި މަސައްކަތްކޮށްފައެވެ. މިއަހަރުގެ ވޯލްޑްކަޕަކީ އައްޑޮގެ ކޯޗިން ކެރިއަރު މިނެ ކިރާލުމަށް ރަނުގެ ފުރުސަތެކެވެ.

ގާނާގެ ގައުމީ ޓީމުގެ އެންމެ މުހިއްމު އެއް ކުޅުންތެރިއަކީ މުހައްމަދު ކުޑުސްއެވެ. އޭނާއަކީ މި ވޯލްޑްކަޕްގައި އެންމެ ވިދާލާނެ އެއް ކުޅުންތެރިޔާކަމަށް ގިނަ ބަޔަކު ގަބޫލުކުރެއެވެ. އުމުރުން 22 އަހަރުގެ ކުންޑުސް އަކީ އަޔެކްސްއަށް ކުޅެމުން އަންނަ ހުނަރުވެރި މިޑްފީލްޑަރެކެވެ. ޔޫރަޕްގެ ގިނަ ކުލަބުތަކުން ދަނީ އޭނާއަށް ފާރަލަމުންނެވެ. ދެހާސް ނަވާރަ ވަނަ އަހަރުން ފެށިގެން ކުންޑުސް އަންނަނީ ގާނާގެ ގައުމީ ޓީމަށް ކުޅެމުންނެވެ. އެގޮތުން އޭނާ ވަނީ 18 މެޗެއް ގާނާ ގައުމީ ޓީމަށް ކުޅެ، ފަސް ގޯލު ޖަހައިފައެވެ.